ودي أعرف وش تكون ؟؟

[ورود المحبة]

ينقل الى باب المواضيع المتميزه

بعد تردد .. إليكم مشاركتي البسيطة

ليتها ترقى لمستواكم ..




ودي بهاللحظة أغيب
وفي لحظ عينك أحيا و أكون
ودي بهاللحظة تطول
ما بين رمشك والجفون
ودي اساءلها الليالي
يا هالمشاعر وش تكون؟؟


كلما طرا اسمك ع بالي
أسرح وياخذني خيالي
وأسبح وسط موجه وأداري
نظرات من عيني تقول
في دنيتي انته جنون!!


أفرح إذا شوقي صحى بك
ودقت أفكاري ع بابك
واتخيل ان اسمي فبالك
واني مطر يسكن سحابك
أو زهرة تتمنى سرابك
وانك تبادلني الفتون !!


ودي أحسسك بوجودي
وأهديك من عطري وورودي
ودي تكون هاجس حياتي
وتكتب لي أغلى ذكرياتي
وفارس أحلامي تكون
ليتك تبادلني الشجون!!


طالت بي اللحظة عتاب
هل هي حقيقة أو سراب
هل انت حاضر أو غياب
يا من يوافيني بجواب
يهديني في لحظة سكون
يا هالمشاعر وش تكون؟!!


ورود المحبة

[رحال]

ورود المحبة ........

لقد حرمنا ترددك ...هذا الابداع ....

اعجبني نصك .........

فاحببت ان اسجل اعجابي بقلمك الرائع

تحياتي لك

[الريـــم]

http://www.al-wed.com/pic-vb/955.gif

عزف منفرد... واتقان مبهر للكلمة...

بحر من المحبة هنا...

وأشياء أخرى كثيرة تتوارى خلف جمال المعنى...

ورود

أيتها الحبيبة...

مساء المحبة لقلبكِ... لرقتكِ... ولعذوبة أحاسيسكِ...

ما أجملكِ...

محبتي للورد...


الريم